'ჩემი ჩანიშვნების' მეშვეობით მომხმარებელს შეუძლია როგორც ვებზე, ასევე პირად ტელეფონშიც, ყოველგვარი ორგანიზების გარეშე ერთად ჩაყაროს სხვადასხვა ადგილას გაბნეული ინფორმაციები, მათ შორის ნებისმიერი წვრილმანი და როცა კი დასჭირდება მარტივად იპოვოს.

'ჩემი ჩანიშვნების' ვებ და მობილურის აპლიკაციები ხელმისაწვდომია ყველასთვის და მისი გამოყენება შესაძლებელია უფასოდ.

ჩანიშვნების რაოდენობა არ არის შეზღუდული და მომხმარებელი მიღებული ინფორმაციის შესაბამისად, ყოველგვარი შეზღუდვის გარეშე, ქმნის საკუთარ ჩანიშვნებს.

ჩანიშნული ინფორმაციის ძებნა ხდება Google-ის ძებნის სისტემის მსგავსად. მომხმარებელს შეუძლია სიტყვის საწყისი ასოების მიხედვითაც, უამრავი ჩანიშვნიდან უმალ მოძებნოს და ამოაგდოს მისთვის სასურველი ინფორმაცია.

არსებული ჩანიშვნების გაფერადება შესაძლებელია სხვადასხვა ფერით - ფერადი ფურცლების მსგავსად. გაფერადების შემდეგ კი თვალის ერთი შევლებით მარტივია გამოარჩიო და იპოვო სასურველი ინფორმაცია.

ჩანიშვნის რედაქტირების შემთხვევაში მომხმარებელს ელ-ფოსტით ეგზავნება ძველი და ახალი ჩანიშვნა, ასევე მათი შედარება და იგი მარტივად მიხვდება თუ რა ცვლილებები განახორციელა ჩანიშნულ ინფორმაციაში. ჩანიშვნის წაშლისას კი, ელ-ფოსტაზე გამოგზავნილი წაშლილი ჩანიშვნის დახმარებით მარტივია მისი აღდგენა.

შეტანილი ინფორმაცია ინახება რამოდენიმე სერვერზე და მობილურის დაკარგვის შემთხვევაშიც კი მომხმარებელს საკუთარ ჩანიშვნებში არაფერი დაეკარგება.